ԱՄՆ պետքարտուղար Մայք Պոմպեոն անդրադարձել է Լեռնային Ղարաբաղում շարունակվող ռազմական գործողություններին ու Թուրքիայի ներգրավվածությանը՝ նշելով, որ Լեռնային Ղարաբաղում տեղի ունեցողը վտանգավոր է այն համատեքստում, որ խնդրին իր ռեսուրսներով միջամտել է նաև Թուրքիան:
«Մենք այժմ ունենք Թուրքիա, որը միջամտել է և ռեսուրսներ տրամադրել Ադրբեջանին` մեծացնելով ռիսկը, մեծացնելով կրակային հզորությունը, որն առկա է պատմական հակամարտությունում: Լեռնային Ղարաբաղը փոքրիկ վայր է` մոտ 150 հազար բնակչությամբ: Այս հակամարտության լուծումը պետք է լինի բանակցությունների և խաղաղ քննարկումների միջոցով, ոչ թե զինված բախման կամ առավել ևս՝ երրորդ երկրների, որոնք կգան ու իրենց բաժին կրակը կլցնեն այս պայթուցիկ տակառի մեջ։ Մենք հույս ունենք, որ հայերը կկարողանան պաշտպանել իրենց ադրբեջանցիների արածներից և նրանք կհասնեն իրական հրադադարի, հետո կնստեն բանակցությունների սեղանի շուրջ և կփորձեն հասկանալ այդ պատմական և բարդ խնդիրը»,- ասել է պետքարտուղարը:
Հետևեք մեզ տելեգրամում
