Հայտնի են դարձել Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության նախագահ Վլադիմիր Պուտինի հանդիպման ժամկետները և օրակարգային թեմաները։
Թուրքիայի նախագահականի՝ անվտանգության և արտաքին քաղաքականության խորհրդի անդամ Իսմաիլ Սաֆին հայտնել է, որ կողմերը պատրաստակամություն են հայտնել հանդիպել հունվարի առաջին տասնօրյակին։ Հանդիպման օրակարգում կլինեն երկկողմ հարաբերություններին առնչվող և տարածաշրջանային թեմաներ, այդ թվում՝ S-400 ՀՕՊ համակարգերի մատակարարման հարցը, սիրիական հիմնախնդիրը։
Սաֆին նշել է, որ Թուրքիայի և Ռուսաստանի միջև S-400 համակարգերի նոր խմբաքանակի գնման գործընթացը չի ուշանա, առքուվաճառքի տարեթվի նշանակումը միայն տեխնիկական հարց է։
«Թուրքիան պետք է ձեռք բերի ռուսական S-400 ՀՕՊ համակարգերը։ Դա չի նվազեցնում, ընդհակառակը, բարձրացնում է ՆԱՏՕ-ի պաշտպանական ընդունակությունը։ Բայց մենք այդ համակարգերը ՆԱՏՕ–ի համար չենք գնում, այլ սեփական հակաօդային պաշտպանության ոլորտը հզորացնելու նպատակով», – ասել է Սաֆին։
Հետևեք մեզ տելեգրամում
