Քաղաքական հարցերով ԱՄՆ-ի պետքարտուղարի օգնական Քլարք Քուփերը հայտարարել Է, որ մեծանում Է ռուսական S-400 զենիթային համալիրներ (ԶՀՀ) գնելու առնչությամբ ԱՄՆ-ի պատժամիջոցների ներքո Թուրքիայի հայտնվելու ռիսկը: Այս մասին գրում Է National Defense ամերիկյան հանդեսը:
«Մշտական խոսակցությունը, որը մենք ունեցել ենք թուրք գործընկերների հետ, եղել Է այն մասին, որ S-400-ներն … անհամատեղելի են ԱՄՆ-ի հարթակների հետ: Դրանք անհամատեղելի են ՆԱՏՕ-ի հետ: Այդ միջոցների կամ համակարգերի ներդրումն ինքնին կհանգեցնի պատժամիջոցների լրացուցիչ ռիսկի եւ սահմանափակումների (սպառազինությունների) լրացուցիչ ռիսկերի»,-հրատարակությունը մեջբերում Է Կուփերի խոսքը: Քուփերի խոսքով՝ ԱՄՆ-ի վարչակազմը «Անկարային պարզորոշ հասկանալ Է տվել, որ S-400-ի փորձարկումները միանգամայն անընդունելի են»:
Հակաօդային պաշտպանության S-400 ռուսական նորագույն համակարգերի մատակարարումները, որոնք ճգնաժամի են հանգեցրել Թուրքիայի եւ ԱՄՆ-ի հարաբերություններում, սկսվել են 2019 թվականի հուլիսի կեսերին: Վաշինգտոնը պահանջել Է հրաժարվել գործարքից եւ փոխարենը ձեռք բերել Patriot ամերիկյան համակարգերը՝ սպառնալով կասեցնել կամ ընդհանրապես չեղարկել F-35 նորագույն կործանիչների վաճառքը Թուրքիային, ինչպես նաեւ պատժամիջոցներ սահմանել CAATSA-ին (օրենք «Ամերիկայի հակառակորդներին պատժամիջոցների միջոցով հակազդելու մասին») համապատասխան: Անկարան հրաժարվել Է զիջումների գնալ եւ շարունակել Է S-400-ի լրացուցիչ խմբաքանակի շուրջ բանակցությունները, հաղորդել Է ՌԻԱ Նովոստին:
Հետևեք մեզ տելեգրամում
