ՌԴ ԱԳ փոխնախարար Անդրեյ Ռուդենկոն լրագրողներին հայտնել է, որ ԵԱՀԿ ՄԽ շրջանակում Լեռնային Ղարաբաղի հակամարտության կարգավորման վերաբերյալ որոշակի մշակումներ են արվում:
«Այժմ կան որոշակի մշակումներ, որոնք արվել են ԵԱՀԿ ՄԽ շրջանակում, ներկայում խոսքը դրա մասին է»,-ասել է Ռուդենկոն՝ ընդգծելով, որ Մոսկվան կողմ է հակամարտության բացառապես խաղաղ կարգավորմանը:
«Մենք միանշանակ հենվում ենք այն բանի վրա, որ այս հակամարտությունը չպետք է ունենա ռազմական լուծում, լուծումը պետք է լինի քաղաքական՝ հաշվի առնելով շահագրգիռ բոլոր կողմերի շահերը»,-նշել է ռուս դիվանագետը՝ հավելելով, որ դեռ վաղ է խոսել Հայաստանի և Ադրբեջանի ղեկավարների հանդիպման մասին:
«Բանակցությունները դեռ փորձագետների մակարդակով են, առաջին հերթին ԵԱՀԿ ՄԽ, այլ բանի մասին խոսելը դեռ վաղ է»,-ասել է Ռուդենկոն՝ նշելով, որ Մոսկվան ընդհանուր առմամբ «նախընտրում է շահարկումներ չանել ԼՂ հակամարտության կարգավորման հարցում»:
Հետևեք մեզ տելեգրամում
