ՌԴ նախագահ Վլադիմիր Պուտինը կրոնական միավորումների ներկայացուցիչների հետ հանդիպմանը վստահեցրել է, որ ռուսական կողմն անում է և անելու է իրենից կախված ամեն ինչ, որպեսզի Լեռնային Ղարաբաղում հակամարտությունը հնարավորինս շուտ ավարտվի:
«Դուք գիտեք, որ Ռուսաստանն անում է իրենց կախված ամեն ինչ, որպեսզի Հարավային Կովկասում հակամարտությունն ավարտվի հնարավորինս շուտ, որպեսզի պահպանվեն մարդկանց կյանքերը, որոնք դեմ դիմաց են կանգնած, սակայն, ցավոք, միմյանց տեսնում են ինքնաձիգների, հրացանների նշանառության տակ և միմյանց դեմ զենք են կիրառում»,-ասել է Պուտինը՝ ընդգծելով, որ հակամարտող կողմերի նպատակներին կարելի է հասնել միայն խաղաղ բանակցային գործընթացի միջոցով:
«Ամեն դեպքում, մենք կապի մեջ ենք Հայաստանի և Ադրբեջանի հետ: Հույս ունեմ, որ մեզ կհաջողվի արդյունքի հասնել, ընդ որում այն հիմքի վրա, որը կբավարարի տարածաշրջանում ապրող բոլոր մարդկանց»,-եզրափակել է Պուտինը՝ շեշտելով, որ դրան պետք է հասնել խաղաղ ճանապարհով:
Հետևեք մեզ տելեգրամում
