Հունաստանի վարչապետ Կիրիակոս Միցոտակիսը անցած շաբաթ այցելել էր Աբու Դաբի, որի արդյունքում Հունաստանը և ԱՄԷ-ն փոխադարձ պաշտպանության դրույթ են ստորագրել:
Երկու կողմերը պարտավորվել են հնարավորության սահմաններում նպաստել Հունաստանի և ԱՄԷ-ի անվտանգության, ինքնիշխանության, միասնության, պաշտպանության և տարածքային անկախության պաշտպանությանը:
Հարկ է նշել, որ սա զուտ պաշտպանական բնույթի դրույթ է, իրավաբանորեն առավելագույնը, որ կարելի է զարգացնել երկու երկրների միջև, որոնք չունեն ընդհանուր սահմաններ և չեն ընդգրկված ընդհանուր դաշնակից կազմակերպություններում:
Չնայած համաձայնագրում հստակ ընդգծվում է, որ այդ դրույթն ուղղված չէ երրորդ կողմերի դեմ, ակնհայտ է, որ Աթենքը և Աբու Դաբին այն ստորագրել են Թուրքիային հակազդելու նպատակով:
Հետևեք մեզ տելեգրամում
