ՄԱԿ-ը պատրաստ է աշխատել Ռուսաստանի հետ Լեռնային Ղարաբաղում մարդասիրական կարիքների ծավալի համատեղ գնահատման համար: Այս մասին հայտնել է ՄԱԿ-ի գլխավոր քարտուղարի ներկայացուցիչ Ստեֆան Դյուջարիքը:
«ՌԴ-ի կողմից ստացված հարցումին ի պատասխան՝ Գլխավոր քարտուղար Անտոնիո Գուտերեշը հաստատել է, որ ՄԱԿ հումանիտար հարցերի համակարգման վարչությունը մյուս վարչությունների հետ միասին պատրաստ է համագործակցել և քննարկել համատեղ գործողությունները տեղում՝ ԼՂ-ում նախնական անկախ գնահատական տալու համար»,-ասել է Դյուջարիքը:
Նրա խոսքով, Գլխավոր քարտուղարը հեռախոսազրույցներ է ունեցել նաև ՀՀ և Ադրբեջանի ԱԳ նախարարների հետ, որի ժամանակ Գուտերեշն ընդգծել է ՄԱԿ-ի՝ երկրներին հումանիտար օգնություն ցուցաբերելու մասին պատրաստակամությունը:
Հետևեք մեզ տելեգրամում
