Իսրայելի և Մարոկկոյի միջև հարաբերությունների կարգավորման գործընթացն ընկած է դեկտեմբերի 22-ին ամերիկաիսրայելական համատեղ պատվիրակության՝ Ռաբատ կատարվելիք այցի օրակարգում: Այս մասին ԱՄՆ նախագահի գլխավոր խորհրդական Ջարեդ Քուշների հետ բանակցությունների ժամանակ հայտարարել է Իսրայելի վարչապետ Բենյամին Նեթանյահուն:
«Դա կլինի առաջին այցը, որը կարագացնի Իսրայելի և Մարոկկոյի հարաբերությունների կարգավորումը»,-ասել է Նեթանյահուն՝ թվարկելով Աբրահամյան համաձայնության շրջանակում ձեռք բերված խաղաղության համաձայնագրերը՝ ԱՄԷ, Բահրեյն, Սուդան և այժմ Մարոկկո:
Իսրայելի վարչապետը շնորհակալություն է հայտնել ԱՄՆ նախագահ Դոնալդ Թրամփին՝ նշելով, որ «չի կարծում, որ Վաշինգտոնում վարչակազմի փոփոխությամբ համաձայնագրերը կմոռացվեն, և սեզոնային անձրևները կսրբեն դրանք»:
Հետևեք մեզ տելեգրամում
