Միացյալ ազգերի կրթության, գիտության և մշակույթի կազմակերպությունում (ՅՈՒՆԵՍԿՕ) հույս ունեն, որ մոտ ժամանակներս տեղի կունենա նախնական առաքելության ուղևորությունը Լեռնային Ղարաբաղ և Ադրբեջանի հարակից շրջաններ:
«Քննարկումները շարունակվում են: Մենք հույս ունենք, որ առաքելության մեկնարկը կտրվի մոտ ժամանակներս»,-ասել է կազմակերպության մամուլի ծառայության ներկայացուցիչը:
Նշենք, որ 2020թ. նոյեմբերի 20-ին կազմակերպության գլխավոր տնօրեն Օդրե Ազուլեն հայտնել էր, որ պատրաստ են առաքելություն ուղարկել Լեռնային Ղարաբաղ՝ շրջանի պատմամշակութային ժառանգությունը վերականգնելու համար, սակայն դեկտեմբերին ՅՈՒՆԵՍԿՕ-ի փոխտնօրենը տեղեկացրել էր, որ դեռ սպասում են Ադրբեջանի պատասխանին: Իր հերթին, Ադրբեջանի ԱԳՆ-ը կազմակերպությանը կոչ էր արել չքաղաքականացնել Ղարաբաղի մշակութային ժառանգության պաշտպանության հարցը՝ նշելով, որ «Բաքուն բաց է կառուցողական երկխոսության համար ՝ քննարկելու առաքելության կազմակերպման մանրամասները»:
Հետևեք մեզ տելեգրամում
