Ադրբեջանի նախագահ Իլհամ Ալիևը մարտի 14-ին ընդունել է ԵԱՀՄ գործող նախագահ, Շվեդիայի ԱԳ նախարար Անն Լինդեին: Հանդիպման ընթացքում Ալիևը հայտնել է, որ «Ադրբեջանի և Հայաստանի միջև հաղորդակցության բացումը կարող է ելակետ դառնալ, այնպես որ Լեռնային Ղարաբաղի հակամարտությունն ամբողջությամբ պատմություն դառնա:
«Մենք արդեն սկսել ենք Ադրբեջանի և Հայաստանի միջև հաղորդակցությունների բացման շուրջ բանակցությունները: Դա նոյեմբերի 10-ին ստորագրված եռակողմ հայտարարության մի մասն է: Արդեն տարբեր մակարդակներով տեղի են ունեցել մի քանի հանդիպումներ: Գտնում եմ, որ հենց այս հարցը կարող է պատմության էջը շրջելու և պատմության մեջ այն թողնելու ելակետ դառնալ»,-ասել է Ադրբեջանի նախագահը:
Իր հերթին Լինդեն ասել է, որ ԵԱՀԿ-ը կդիտարկի, թե ինչ կարող է անել հակամարտության կարգավորման համար: Նա ընդգծել է այս համատեքստում միջազգային իրավունքի, մարդու իրավունքի, հումանիտար իրավունքի, խաղաղության և անվտանգության առաջնահերթությունը:
Հետևեք մեզ տելեգրամում
