Վրաստանի վարչապետ Իրակլի Ղարիբաշվիլին կառավարության նիստի ժամանակ բոլոր կուսակցություններին կառուցողական երկխոսության կոչ է արել՝ նշելով, որ երկրում քաղաքական ճգնաժամն արհեստականորեն է ստեղծվել:
«Եվս մեկ անգամ ուզում եմ ասել, որ ոչ մի հիմք չկա արհեստականորեն ստեղծված քաղաքական ճգնաժամի համար: Ըստ այդմ, ես ևս մեկ անգամ ուզում եմ բոլոր կողմերին կոչ անել, որ առավելագույն սեղմ ժամկետում կառուցողական երկխոսության պայմաններում ելք գտնենք, վերադառնանք քաղաքական նորմալ կյանքին և կարողանանք կենտրոնանալ այնպիսի մեծ մարտահրավերների վրա, ինչպիսիք են համավարակը, տնտեսական խնդիրները, գործազրկությունը»,-հայտարարել է Ղարիբաշվիլին:
Նշենք, որ մարտի 17-ին կայացել էր Վրաստանի իշխանությունների և ընդդիմության միջև բանակցությունների հերթական փուլը: Այն տեղի էր ունեցել Եվրոպայի խորհրդի նախագահ Շառ Միշելի անձնական ներկայացուցիչ Քրիստիան Դանիելսոնի միջնորդությամբ:
Իշխող «Վրացական երազանք, ժողովրդավար Վրաստան» կուսակցության նախագահ Իրակլի Կոբախիձեն նշել է, որ բանակցությունները լավ են ընթանում, և կարևորը՝ ընդդիմությունը այն չի ձախողել:
Հետևեք մեզ տելեգրամում
