Թբիլիսիում այսօր մահացել է Ախալցիխեի «Իմեդի» կլինիկայում Astrazeneca պատվաստանյութ ստացած 27-ամյա բուժքույրը:
Թբիլիսի տեղափոխվելուց հետո բուժքրոջ սիրտը մեկ անգամ կանգ էր առել, այդ ժամանակ բժիշկներին հաջողվել էր նրան փրկել, սակայն քանի որ վիճակը ծայրահեղ է ծանր է եղել, սրտի կանգը կրկնվել է:
Հիշեցնենք, որ Ախալցիխեում մարտի 18-ին բուժքույրը պատվաստումից հետո կոմայի մեջ էր ընկել: Վրաստանում պատվաստումն իրականացվում է Astrazeneca պատվաստանյութով: Սա առաջին դեպքն է, որ Վրաստանում պատվաստանյութից կողմնակի ազդեցություն է գրանցվել: Վրաստանի ՆԳՆ-ում միջադեպի կապակցությամբ հետաքննությունն է սկսվել: Հետաքննությունն իրականացվում է քրեական օրենսգրքի՝ անզգուշությամբ մահ պատճառելու հոդվածով:
Հետևեք մեզ տելեգրամում
