Մարտ 22-ին Ն.Ս.Օ.Տ.Տ. Արամ Ա. կաթողիկոսի գրասենյակում հանդիպում է տեղի ունեցել Վեհափառ Հայրապետի և Սաուդյան Արաբիայի դեսպան Վալիդ Աբդալլահ ալ-Բուխարիի միջև: Այն տևել է ավելի քան մեկ ժամ” Այս մասին հայտնում են Մեծի Տանն Կիլիկիո կաթողիկոսարանից:
Հանդիպման ընթացքում քննարկվել են Լիբանանի կառավարության ձևավորման, երկրի տնտեսական ճգնաժամի, արաբական աշխարհ ներթափանցած թուրքական ազդեցությանն առնչվող հարցեր, որոնց նկատմամբ թե՛ Նորին Սրբությունը, թե՛ դեսպանն ունեն նույն մոտեցումը: Կողմերը ընդգծել են Լիբանանի կառավարության շուտափույթ ձևավորման, տնտեսական ճգնաժամի կարգավորման անհրաժեշտությունը, ինչպես նաև շեշտել են Թուրքիայի միջամտությունը արաբական խնդիրներին, հատկապես վերջնիսի ներկայությունը Լիբանանում:
Նորին Սրբությունն այս առիթով անդրադարձել է միջկրոնական շրջանակում Մեծի Տանն Կիլիկիո կաթողիկոսության դերին և ողջունել Սաուդյան Արաբիայի դրական մոտեցումը այլ կրոնների նկատմամբ: Հայրապետը ալ-Բուխարիին խնդրել է, որ Սաուդյան Արաբիան ավելի զարգացնի իր հարաբերությունները Հայաստանի հետ և միջամտի, որպեսզի Ադրբեջանում գտնվող հայ գերիների շուտափույթ ազատ արձակվեն:
Դեսպանը, իր հերթին, բարձր է գտահատել Լիբանանի հայ համայնքի հավասարակշռված և իրավապաշտ մոտեցումը Լիբանանին հուզող հարցերին: Նա նաև իր գնահատանքն է հայտնել է Վեհափառ Հայրապետին Լիբանանում և նրա սահմաններից դուրս միջկրոնական գործակցության ուղղությամբ ծավալած աշխատանքների կապակցությամբ: Դեսպանն Արամ Ա-ին հրավիրել է դեսպանատուն՝ ճաշի, ինչպես նաև հարմար առիթով՝ Սաուդյան Արաբիա:
Հետևեք մեզ տելեգրամում
