Վրաստանի կառավարությունը քննարկում է ցամաքային սահմանը բացելու հնարավորությունը, հայտնել է Վրաստանի էկոնոմիկայի և կայուն զարգացման նախարար Նատիա Տուրնավան:
«Գլխավորը, որը կարող է ապահովագրել լարիի փոխարժեքի հետագա տատանումները, տնտեսության արագ վերականգնումն է: Դուք գիտեք, որ մենք արդեն գրեթե հանել ենք զբոսաշրջության հիմնական սահմանափակումները: Իրականացվում է պատվաստում, որը խոչընդոտ կլինի երրորդ ալիքին: Զբոսաշրջությունը լրացուցիչ արժույթ կբերի երկրին: Մենք այժմ քննարկում ենք, թե ինչ պայմաններով կարող ենք բացել ցամաքային սահմաններ, և դա կնպաստի մեր ֆինանսական շուկայի աշխուժացմանը»,-հայտարարել է Տուրնավան:
Հիշեցնենք, որ մինչ այժմ Վրաստան կարելի էր մուտք գործել օդային ճանապարհով՝ կորոնավիրուսի բացասական թեստի պատասխանով:
Հետևեք մեզ տելեգրամում
