Վրաստանի ազգային վիճակագրության ծառայության (Geostat) պաշտոնական տվյալների համաձայն` 2019 թվականի երրորդ քառորդում միջին աշխատավարձը կազմել է 1 217 լարի (423 դոլար): Այս ցուցանիշը նախորդ տարվա նույն ժամանակահատվածի համեմատ 91,6 լարիով (32դոլար) աճ է արձանագրել:
Պաշտոնական վիճակագրությունը ցույց է տալիս, որ աշխատավարձերի աճը նկատելի է գրեթե բոլոր հատվածներում: Համեմատաբար բարձր աշխատավարձ արձանագրվել է շինարարության (2008 լարի/ 698 դոլար), տեղեկատվության և հաղորդակցության (1 958 լարի/ 681 դոլար), մասնագիտական և տեխնիկական գործունեության (1 936,2 լարի/ 673 դոլար) և ֆինանսական գործունեության (1 989,6 լարի/ 692 դոլար) ոլորտներում:
2019 թվականի երրորդ քառորդում կանանց միջին աշխատավարձը սահմանվել է 924 լարի (321 դոլար), տղամարդկանց միջին աշխատավարձը՝ 1 475 լարի (513 դոլար):
Հետևեք մեզ տելեգրամում
