ԱՄՆ նախագահ Ջո Բայդենի վարչակազմը մտադիր է իրականացնել Արաբական Միացյալ Էմիրություններին 23 մլրդ դոլարի զենքի վաճառքի գործարքը:
«Մենք կարող ենք հաստատել, որ ԱՄՆ վարչակազմը մտադիր է առաջ շարժվել ԱՄԷ-ին զենք վաճառելու հարցում, չնայած նրան, որ մենք շարունակում ենք ուսումնասիրել մանրամասները և խորհրդակցել ԱՄԷ-ի բարձրաստիճան անձանց հետ, որպեսզի վստահ լինենք, որ նախկինում ԱՄԷ-ի ստանձնած պարտավորությունների վերաբերյալ փոխըմբռնում է ձեռք բերվել»,-ասել է Պետքարտուղարության ներկայացուցիչը՝ նշելով, որ մատակարարման ենթադրյալ ժամկետ լինելու է 2025թ. հետո:
Պետքարտուղարության ներկայացուցչի խոսքով, ԱՄՆ-ի իշխանությունները ձգտում են նրան, որ «ամերիկյան ռազմական տեխնիկան կիրառվի մարդու իրավունքներին և զինված հակամարտությունների միջազգային օրենքներին լիովին համապատասխան»:
Հետևեք մեզ տելեգրամում
