ՀՀ նախագահ Արմեն Սարգսյանը շնորհակալական խոսք է հղել ԱՄՆ նախագահ Ջո Բայդենին՝ 1915թ. Օսմանյան կայսրության կողմից հայերի դեմ իրագործած ոճրագործությունը Ցեղասպանություն անվանելու համար:
«Հայոց ցեղասպանության ճանաչումը համարձակ և ոգևորիչ քայլ է։ Դա կարևոր է հայ ժողովրդի և ողջ աշխարհում բոլոր նրանց համար, ովքեր արդարություն են փնտրում։ Այն նոր հեռանկարներ է բացում հայ-ամերիկյան հարաբերությունների համար։ Դրա շնորհիվ աշխարհն ավելի լավն է դառնում։ Հայոց ցեղասպանության միջազգային ճանաչման ու դատապարտման գործընթացը կնպաստի ցեղասպանության՝ որպես մարդկության դեմ ուղղված հանցագործության կանխարգելմանն ու անպատժելիության վերացմանն ամբողջ աշխարհում»:
Հետևեք մեզ տելեգրամում
