ԱՄՆ պետքարտուղար Էնթոնի Բլինքենը Ավստրալիայի ԱԳ նախարար Մարիս Փեյնի հետ համատեղ ասուլիսում հայտնել է, որ Վիեննայում կշարունակվեն Իրանի միջուկային գործարքի շուրջ բանակցությունները՝ չնայած այն ենթադրությանը, որ Իրանը մասնակցություն ունի Իսրայելի և Պաղեստինի միջև հակամարտության սրմանը:
Լրագրողի հարցին, թե արդյոք ԱՄՆ-ը ապացույցներ ունի, որ Իրանը մասնակցություն ունի Իսրայելի վրա հարձակումներին՝ հաշվի առնելով այն, որ «ՀԱՄԱՍ»-ը ԱԹՍ-ներ և բարձր հեռավարության հրթիռներ է կիրառում, և այդ դեպքում ինչ կլինի Վիեննայում բանակցությունները, Բլինքենը նշել է.
«Ես Ձեզ ոչինչ չունեմ ասելու այն հարցի շուրջ, թե արդյոք Իրանը ներգրավված է, թե ոչ: Ես միայն կարող եմ ասել, որ երբ խոսքը ցանկացած չարամիտ գործունեության մասին է, որին կարող է կամ չի կարող ներգրավված լինել Իրանը, դա ընդգծում է կարևորությունը, որ պետք է անել հնարավոր ամեն բան, որպեսզի երաշխավորվի, որ Իրանը երբեք չստանա միջուկային զենք: Այնպես որ, Վիեննայում բանակցությունները ընթանում են, դրանք շարունակվում են»,-պատասխանել է Բլինքենը:
Նշենք, որ Իսրայելի ԱԳՆ պաշտոնական ներկայացուցիչը հայտնել էր, որ կոնկրետ տվյալներ չունեն այս հակամարտությունում Իրանի ներգրավվածության վերաբերյալ:
Հետևեք մեզ տելեգրամում
