Երեկ կեսօրից հետո ադրբեջանցիները Գեղարքունիքի մարզի Վերին Շորժայի և Կութի հատվածներում դիրքային աշխատանքների անվան տակ որոշակի առաջխաղացումներ և դիրքավորումներ են ունեցել, այսօր «Ազատության»-ը փոխանցեց Գեղարքունիքի մարզպետ Գնել Սանոսյանը։
«Հիմա նման է արդեն Սյունիքի իրավիճակին․ իրենք մեր տարածքում են: Համապատասխան աշխատանքներ են արվում և սպասում ենք նաև բանակցությունների արդյունքին՝ հասկանալու համար, թե ինչպիսի ելք կունենանք», – ասաց մարզպետը։
Հարցին, թե ադրբեջանցիները քանի՞ կիլոմետր են մխրճվել Հայաստանի սահմանից ներս, Սանոսյանը պատասխանեց․ – «Կարծես մեզ մոտ ամենամեծ տարածությունը, որ առաջ են եկել, Կութի հատվածում է, մոտ 2 կիլոմետրի չափ, մյուս հատվածները շատ ավելի քիչ են, ենթադրենք՝ 100,200, 300 մետր»:
Հետևեք մեզ տելեգրամում
