Մայիսի 17-ի առավոտյան իսրայելական 54 կործանիչ Գազայի հատվածի հյուսիսում «ՀԱՄԱՍ»-ի ստորգետնյա ենթակառուցվածքների ոչնչացման գործողության շրջանակում խոցել են 35 ռազմական օբյեկտ և 15 կմ երկարությամբ թունել:
«Իսրայելի պաշտպանության բանակն իրականացրել է «ՀԱՄԱՍ»-ի թունելային համակարգերի ոչնչացման երրորդ փուլը: Հարձակման ընթացքում 54 կործանիչ խոցել է 35 ահաբեկչական թիրախ և 15 կմ թունել: Այդ հարվածները Իսրայելի բանակի մասշտաբային գործողության մասն են՝ ընդդեմ Գազայի հատվածում ահաբեկչական ստորգետնյա ենթակառուցվածքների»,-ասված է Իսրայելի ՊԲ մամուլի տարածած հաղորդագրության մեջ:
Ավելի վաղ, իսրայելական կործանիչները և ԱԹՍ-ները խոցել էին «ՀԱՄԱՍ»-ի բարձրաստիճան հրամանատարների 9 տներ: Կեսգիշերից հետո պաղեստինցի արմատականները վերսկսել են հրթիռակոծությունը Իսրայելի հարավային քաղաքների ուղղությամբ:
Հետևեք մեզ տելեգրամում
