ԱՄՆ դեսպանատունը պարզաբանում է տարածել դեսպան Լին Թրեյսիի՝ Սյունիք կատարած այցի վերաբերյալ

ՀՀ-ում ԱՄՆ դեսպանատունը պարզաբանում է տարածել դեսպան Լին Թրեյսիի՝ ապրիլին Սյունիք կատարած այցի վերաբերյալ՝ նշելով, որ դեսպանը այլ պաշտոնյաների այցերի հետ կապ չուներ, և Սյունիքում գտնվելու ընթացքում դեսպան Թրեյսին չի հանդիպել կամ խոսել վարչապետ Նիկոլ Փաշինյանի կամ նախագահ Արմեն Սարգսյանի հետ։

«Ինչպես ավելի վաղ մենք հայտնել էինք, դեսպանը Սյունիքի մարզ էր մեկնել տեղի պաշտոնյաներից և ԱՄՆ դեսպանության ծրագրերի գործընկերներից անձամբ տեղեկանալու համավարակի և պատերազմի կրկնակի հարվածների հետևանքով ստեղծված իրավիճակի մասին։ Դեսպանը նաև հանդիպել էր ԱՄՆ կառավարության դրամաշնորհային ծրագրերի շահառուներին և քննարկել համագործակցության շարունակականությունը ապահովելու ուղիներն՝ ի աջակցություն Սյունիքի վերականգման ու զարգացման»,-նշել են դեսպանությունից: