ՀՀ վարչապետի պաշտոնակատար Նիկոլ Փաշինյանը Սյունիքի մարզում նախընտրական հանդիպման ժամանակ հայտարարեց, որ Հայաստան-Ադրբեջան սահմանային իրադրությունը պետք է լուծել խաղաղ ճանապարհով, որովհետև դրա հնարավորությունը իրապես կա: ՀՀ վարչապետը նշեց, որ Ադրբեջանի զորքերն աներկբայորեն պետք է դուրս գան Հայաստանի սահմաններից, և այս տեսակետը պաշտպանում է ողջ միջազգային հանրությունը:
«Մենք այսօր էլ մեր ռուս գործընկերների հետ ամենօրյա կապի մեջ ենք, և մեր պատկերացումը հետևյալն է. սահմանային կետերի երկայնքով պետք է տեղակայվեն ռուս սահմանապահների ներկայացուցիչներ, նաև միջազգային դիտորդների հովանու ներքո պետք է իրականացվեն Սոթքից Խոզնավար սահմանային կետերի ճշգրտում և սահմանների դելիմիտացիա և դեմարկացիա: Մինչ այդ, ասել ենք, որ երկու կողմերի զորքերը հայելային եղանակով պետք է վերադառնան մշտական տեղակայման վայրեր: Եվ հետևողականորեն գնալու ենք այս ճանապարհով»,- ասաց Փաշինյանը:
Հետևեք մեզ տելեգրամում
