ԼՂ հարցը՝ Բայդեն-Պուտին հանդիպման օրակարգում

ՌԴ նախագահ Վլադիմիր Պուտինի օգնական Յուրի Ուշակովը լրագրողների հետ հանդիպմանը հայտնել է ԱՄՆ-ՌԴ նախագահների հանդիպման օրակարգի մանրամասները։ Ըստ այդմ, երկու երկրների ղեկավարները քննարկելու են հարցերի լայն շրջանակ՝ երկկողմ հարաբերություններ, կլիմայի փոփոխություն, կիբերհանցագործության և կորոնավիրուսի դեմ պայքար, ինչպես նաև տարածաշրջանային խնդիրներ՝ Մերձավոր Արևելքից մինչև Լեռնային Ղարաբաղ։

Ուշակովը նշել է, որ Ջո Բայդենն ու Վլադիմիր Պուտինն առանձնահատուկ ուշադրություն են դարձնելու Լեռնային Ղարաբաղի հարցին, Ուկրաինային և Բելառուսում ստեղծված իրավիճակին։

Նշենք, որ Ռուսաստան-ԱՄՆ գագաթաժողովը կկայանա հունիսի 16-ին Ժնևում։