Վրաստանի արտգործնախարար Դավիթ Զալկալիանին, մեկնաբանելով Վրաստանի միջնորդությամբ ազգությամբ հայ 15 գերիների ազատ արձակման հարցը, ասել է, որ Վրաստանի իշխանությունները մշտապես փորձել են մեդիատորի դեր խաղալ և տարածաշրջանում խաղաղարարի դեր ստանձնել։ Այս մասին հայտնումէ Aliq.ge-ը։
Գերիների ազատման հարցը վրաստանյան կողմի մասնակցությամբ քննարկվել է 2-3 ամիս, Հայաստանը ևս կարևոր փաստաթղթեր է (Աղդամի շրջանի ականապատված վայրերի քարտեզ) փոխանցել Վրաստանի վարչապետի միջոցով։ Նշվում է, որ Իրակլի Ղարիբաշվիլին անմիջական կապի մեջ է եղել Ադրբեջանի նախագահ Իլհամ Ալիևի և ՀՀ վարչապետի պաշտոնակատար Նիկոլ Փաշինյանի հետ։
Զալկալիանիի խոսքով` ջանքեր գործադրվել են նաև մինչ այդ, սակայն արդյունք չկար։ Ըստ նրա` սա աննախադեպ երևույթ է, Վրաստանի հաղթանակը։ Արտաքին գերատեսչության ղեկավարն ասում է` հսկայական ջանքեր է պետք գործադրել, որպեսզի Վրաստանի թեմատիկան մշտապես լինի միջազգային հանրության օրակարգում, ու այդ նպատակով երկիրն օգտագործում է տարբեր մեթոդներ եւ տակտիկական ուղիներ` ցույց տալու համար երկրի նշանակությունը` որպես տարածաշրջանում խոշոր դերակատար։
Հետևեք մեզ տելեգրամում
