Հունիսի 30-ին ՌԴ ԱԳ նախարար Սերգեյ Լավրովը կայցելի Անթալիա՝ Թուրքիայի ԱԳ նախարար Մևլութ Չավուշօղլուի հետ բանակցությունների համար: Այցի ընթացքում նախատեսում է քննարկել երկկողմ հարաբերությունների զարգացման հեռանկարները, ինչպես նաև տարածաշրջանային և միջազգային արդիական հարցեր: Այս մասին հայտնում են ՌԴ ԱԳՆ-ից:
Երկու երկրների արտաքին գերատեսչությունների ղեկավարները կքննարկեն իրավիճակը Անդրկովկասում, Մերձավոր Արևելքում և Հյուսիսային Աֆրիկայում, Աֆղանստանում, Ուկրաինայում, Կենտրոնական Ասիայում, Արևելյան Միջերկրական ծովում և սևծովյան տարածաշրջանում:
Օրակարգում է նաև առևտրատնտեսական համագործակցության ակտիվացման, կորոնավիրուսային վարակի դեմ պայքարի և Թուրքիայում Ռուսաստանի քաղաքացիների կյանքի ու առողջության անվտանգության ապահովման խնդիրների հարցը` հաշվի առնելով 2021թ. հունիսի 22-ից երկկողմ ուղևորային թռիչքների ամբողջական վերականգնումը:
ՌԴ ԱԳՆ-ը ընդգծել է, որ ռուս-թուրքական քաղաքական երկխոսությունը բնութագրվում է բարձր ինտենսիվությամբ. տարվա սկզբից ՌԴ և Թուրքիայի նախագահներն ունեցել են 6 հեռախոսազրույց, տեսակոնֆերանսի ձևաչափով մասնակցել Ակկույու» ԱԷԿ-ի հիմնարկեքին:
Հետևեք մեզ տելեգրամում
