Մեծ Բրիտանիան և ԱՄՆ-ն Աֆղանստանից իրենց զորքերի հիմնական մասի դուրսբերումը կավարտեն հուլիսի 4-ին:
«Մենք բոլորս լքում ենք երկիրը հուլիսի 4-ին: Աֆղանստանում բրիտանական հիմնական առաքելությունը նույնպես կավարտվի հուլիսի 4-ին»,-The Daily Telegraph թերթին ասել է Միացյալ Թագավարության պաշտպանության շտաբի պետի մերձավորներից մեկը:
Ավելի վաղ, Պենտագոնի ներկայացուցիչը հայտնել էր, որ ԱՄՆ-ի և ՆԱՏՕ-ի ուժերը լքել են Բագրամ քաղաքի ավիաբազան: Կոալիցիոն ուժերն Աֆղանստանից ամբողջությամբ պետք է դուրս գան սեպտեմբերի 11-ին: Ընդ որում ակնկալվում է, որ Արևմուտքի զինվորականներն աապահովելու են Քաբուլում իրենց դեսպանությունների անվտանգությունը:
Հիշեցնենք, որ ապրիլի 14-ին ԱՄՆ նախագահ Ջո Բայդենը հայտնել էր Աֆղանստանում ամերիկյան առաքելության ավարտի մասին: Քաբուլի օդանավակայանում անվտանգություն ապահովելու ցանկություն է հայտնել Թուրքիան:
Հետևեք մեզ տելեգրամում
