Սիրիայի արտաքին գործերի փոխնախարար Այման Սուսանը Նուր-Սուլթանում կայացած Սիրիայի հարցով 16-րդ միջազգային համաժողովի արդյունքներով կայացած մամուլի ասուլիսի ժամանակ Թուրքիային մեղադրել է ահաբեկչական խմբավորումներին աջակցելու մեջ՝ շեշտելով, որ վերջինս արժանի չէ Աստանայի գործընթացի երաշխավոր-երկիր լինելուն:
«Այդ հանցավոր ռեժիմը խախտում է օրենքները և Սիրիայի հանդեպ դրա քայքայիչ քաղաքականությունը հաստատում է այն, ինչ Սիրիան ասում էր Աստանայի գործընթացի առաջին իսկ օրվանից. թուրքական ռեժիմը աջակում է ահաբեկչական կազմակերպություններին և արժանի չէ երաշխավոր երկրի կարգավիճակին, քանի որ չի կատարում իր պարտականությունները»,-ասել է փոխնախարարը՝ հավելելով, որ նման կերպ Թուրքիան խախտում է միջազգային իրավունքը:
Փոխնախարարի խոսքով, Թուրքիան Սիրիայում վարում է թուրքացման քաղաքականություն: «Դա արտահայտվում է դպրոցներում դասավանդման մեթոդների փոփոխմամբ, փոխվում են քաղաքների, գյուղերի և բնակավայրերի անունները, և նման կերպ սիրիական ինքնությունը փոխվում է թուրքականով»,-պարզաբանել է Սուսանը՝ միաժամանակ նշելով, որ «Սիրիայի՝ ամերկյան և թուրքական օկուպացիան ձգձգում է սիրիական հակամարտությունը»:
Աստանայի ձևաչափով 16-րդ հանդիպումը տեղի է ունեցել հուլիսի 7-8-ը `երաշխավոր երկրների (Ռուսաստան, Իրան և Թուրքիա) պատվիրակությունների, Սիրիայի կառավարության և զինված ընդդիմության մասնակցությամբ:
Հետևեք մեզ տելեգրամում
