Սաուդյան Արաբիան հերքում է իր մասնակցությունը Pegasus էլեկտրոնային լրտեսական համակարգի կիրառմամբ մարդկանց հետևելուն:
«ԶԼՄ-ներում տարածվող լուրերն այն մասին, որ թագավորությունում իբր կիրառվել են անձնական կապերը հետևելու ծրագրեր, անհիմն են»,-Al Riyadh թերթին ասել է թագավորության բարձրաստիճան պաշտոնյան:
Նրա խոսքով, Սաուդյան Արաբիայի քաղաքականությունը և սկզբունքները «հաստատուն են և ոչ մի կապ չունեն մամուլում նշված պրակտիկայի հետ»:
Հիշեցնենք, որ հուլիսի 18-ին Ֆրանսիայում տեղակայված Forbidden Stories «Արգելված պատմություններ» ՀԿ-ը և տարբեր երկրների 17 լրատվամիջոցներ հրապարակեցին հետաքննություն՝ ըստ որի մի շարք երկրներ, այդ թվում Սաուդյան Արաբիան, հնարավոր է, իսրայելական լրտեսական էլեկտրոնային Pegasus համակարգի միջոցով հետևել են 50 հազար մարդու՝ ամբողջ աշխարհում:
Հետևեք մեզ տելեգրամում
