ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ հայտարարել է, որ ՌԴ-ն մտահոգությամբ է ընդունում էսկալացիայի ցանկացած դրսևորում հայ-ադրբեջանական սահմանին:
«Իհարկե, մենք մտահոգությամբ ենք ընդունում էսկալացիայի ցանկացած դրսևորում հայ-ադրբեջանական սահմանին: Եվ իհարկե, դա բացասական ազդեցություն է ունենում տարածաշրջանային իրադրության վրա և չի նպաստում Հայաստանի ու Ադրբեջանի միջև երկխոսության կարգավորմանը՝ հանգեցնելով երկու երկրների բնակչության շրջանում չարդարացված կորուստների»,-ասել է ՌԴ ԱԳՆ ներկայացուցիչը:
Զախարովան նաև ցավակցություն է հայտնել հայ զինվորականի մահվան կապակցությամբ և նշել, որ ՌԴ-ը հույս ունի, որ շուտով Հայաստանի և Ադրբեջանի միջև կսկսվեն սահմանազատման հարցով բանակցությունները:
Հետևեք մեզ տելեգրամում
