ՌԴ պեդումայի փոխխոսնակ Պյոտր Տոլստոյը խիստ արձագանք է տվել Բելառուսում Ադրբեջանի նախկին դեսպան Իսֆանդիար Վահաբզադեի՝ ռուս ազգի հասցեին արած վիրավորական խոսքերին:
«Ադրբեջանցի նախկին դեսպանը տեսախցիկների առաջ ռուսներին անվանեց խոզ։ Չնայած, որ նա պաշտոնաթող դիվանագետ է, այնուամենայնիվ նա շատ լավ գիտի, ինչը կարելի է, իսկ ինչը՝ ոչ»,-ասել է Տոլստոյը, հավելելով, որ սա անընդունելի է։ Տոլստոյը զգուշացրել է, որ ասված խոսքերի համար պետք է ներողություն խնդրել, հակառակ դեպքում դրանք անհետևանք չեն մնա:
Ավելի վաղ Վահաբզադեն ի պատասխան Վլադիմիր Ժիրինովսկու՝ Ադրբեջանը բռնապետություն անվանելուն և այդ երկրի պատմության վերաբերյալ գնահատականներին, տեսանյութ էր հրապարակել՝ վիրավորական խոսքեր հնչեցնելով ոչ միայն Ժիրինովսկու, այլև ողջ ռուս ազգի հասցեին:
Նա, դիմելով Վլադիմիր Ժիրինովսկուն, նրան և ռուս ժողովրդին գարշահոտություն տարածող խոզ էր անվանել և մեղադրել անշնորհակալ լինելու մեջ։
Հետևեք մեզ տելեգրամում
