«Թուրքական ավիաուղիներ» ընկերությունը հայտարարել է, որ ժամանակավորապես դադարեցնում է դեպի Իրան և Իրաք նախատեսված բոլոր թռիչքները։ Հունվարի 8-ի երեկոյան կատարված հայտարարության մեջ նշվել է, որ 24 ժամ անց ընկերությունը կվերագնահատի իրավիճակն ու որոշում կկայացնի՝ վերսկսել այս ուղղությունների սպասարկումը, թե՞՝ ոչ։
Միաժամանակ փոփոխություններ են կատարվել բոլոր այն թռիչքների երթուղիներում, որոնք նախկինում անցնում էին Իրանի և Իրաքի օդային տարածքով։ Ավիաընկերության ինքնաթիռները առաջիկայում որևէ թռիչք իրականացնելիս չեն անցնի այս երկու երկրների օդային տարածքներով։
Նմանատիպ որոշում է կայացրել նաև թուրքական «Պեգասուս ավիաուղիներ» ընկերությունը։ Դեպի Իրան և Իրաք կատարվելիք բոլոր չվերթները առժամանակ հետաձգվել են, ընկերության ինքնաթիռները չեն օգտվի այդ երկրների օդային տարածքներից։
Հետևեք մեզ տելեգրամում
