Թուրքիայի Ազգային հետախուզական կազմակերպության ղեկավար Հաքան Ֆիդանը և Սիրայի Ազգային անվտանգության ծառայության ղեկավար Ալի Մամլուքը հանդիպելու են Բաղդադում: Այս մասին հաղորդում են թուրքական լրատվամիջոցները:
Թեմայի առնչությամբ խոսել է Թուրքիայի Զինված ուժերի Գլխավոր շտաբի հետախուզության բաժնի նախկին ղեկավար Իսմայիլ Հաքքը Փեքինը:
«Հանդիպումը կարող է նոր գործընթացի մեկնարկ լինել: Սակայն այդ գործընթացում միջնորդ պետությունների ներգրավվումը, ինչպես օրինակ՝ Իրանի կամ Ռուսաստանի Դաշնության, անիմաստ է: Իսկ Հաքան Ֆիդանի մասնակցությունը առանձնահատուկ ակտիվացնում է քաղաքականության և դիվանագիտության խողովակները, ինչպես նաև նոր ժամանակաշրջանի մեկնարկ է հանդիսանում,- ասել է Թուրքիայի Զինված ուժերի Գլխավոր շտաբի հետախուզության բաժնի նախկին ղեկավար Իսմայիլ Հաքքը Փեքինը:
Համաձայն թուրքական լրատվամիջոցների տվյալների՝ Փեքինը նաև հավելել է, որ հանդիպման ժամանակ կողմերը քննարկելու են միգրացիայի և Քուրդիստանի աշխատավորական կուսակցությանը վերաբերող հարցերը:
Հետևեք մեզ տելեգրամում
