Իսրայելի բանակը Հարավային Գազայում հրթիռակոծել է ՀԱՄԱՍ-ի դիրքերը՝ ի պատասխան այնտեղից արձակված հրկիզիչ խառնուրդով օդապարիկների, որոնք հրդեհներ են առաջացրել երկրի հարավում:
Իսրայելի ՊԲ հայտնում է, որ Իսրայելը թիրախավորել է պաղեստինական Խան-Յունիս քաղաքում գտնվող գործարանը և այնտեղի ռազմական ճամբարը: Զոհերի և վիրավորների մասին ոչինչ չի հաղորդվել:
Իսրայելական կողմը պնդում է, որ չնայած նախազգուշացումներին՝ դեռևս շարունակվել են Գազայից եկող հրկիզիչ խառնուրդով օդապարիկները:
Հաղորդագրության մեջ նշում Է, որ Իսրայելի կողմից գրոհի ենթարկված օբյեկտները գտնվել են Գազայի հատվածի բնակելի շրջանի կենտրոնում՝ մշակութային օբյեկտների, մզկիթների եւ ջրային կառույցի հարեւանությամբ: Ավելի վաղ սեպտեմբերի 6-ին Շաար հա Նեգեւի տարածաշրջանային խորհրդում երեք հրդեհ Էր բռնկել: Իսրայելական ԶԼՄ-ների տվյալներով՝ դրանք առաջացրել են հրկիզիչ խառնուրդով օդապարիկները, որոնք արձակվել են Գազայի հատվածից:
Հետևեք մեզ տելեգրամում
