Իրանի և Սաուդյան Արաբիայի թագավորության ներկայացուցիչները հանդիպել են Բաղադում և սկսել իրանասաուդական բանակցությունների նոր փուլը։ Իրաքյան SHAFAQ լրատվական կայքի հաղորդմամբ՝ այս մասին տեղեկացնում են իրաքցի պաշտոնյաները։ Սա երկու երկրների միջև առաջին հանդիպումն է Իրանի նոր նախագահի ընտրվելուց հետո։
Համաձայն աղբյուրի՝ անցած շաբաթ կայացած հանդիպման շրջանակներում քննարկվել են երկու երկրների միջև «չլուծված խնդիրները՝ ըստ նախապես համաձայնեցված օրակարգի»։
Ինչպես իրաքցի պաշտոնյաներից մեկն է նշում, հանդիպումը նախարարների մակարդակով չի անցկացվել, սակայն երկկողմ բանակցությունները «դրական» են։
Հիշեցնենք, որ Իրաքը իրանասաուդական հարաբերությունների լարվածության թուլացման գործընթացում միջնորդի դեր է կատարում։ Թեհրանի և Ռիյադի միջև բանակցությունների առաջին փուլը կայացել էր դեռևս ս․թ․ապրիլ ամսին, որին հաջորդել են նմանատիպ մի շարք հանդիպումներ։
Հետևեք մեզ տելեգրամում
