Հոկտեմբերի 1-ից Իրանի Զինված ուժերը զորավարժություն են սկսելու երկրի հյուսիսարևմտյան շրջաններում: Այս մասին իրանական ISNA-ի հաղորդմամբ հայտարարել է Իրանի բանակի ցամաքային ուժերի հրամանատար Քիոմարս Հեյդարին:
Համաձայն աղբյուրի՝ զորավարժությունը կրում է «Խայբարի նվաճողներ» անվանումը: Վարժանքներին ներգրավվելու են հրետանի, զրահատեխնիկա, ԱԹՍ-ներ, ուղղաթիռներ:
Հեյդարին նշել է, որ երկրի հյուսիսարևմտյան և այլ շրջաններում վարժանքներն անցկացվում են զինված ուժերի մարտունակության աստիճանը ստուգելու, մարտունակությունը բարձրացնելու, զինտեխնիկան փորձարկելու նպատակով:
Հետևեք մեզ տելեգրամում
