«Պարոն Իլհամ Ալիևը վերլուծական սխալ է թույլ տվել՝ կարծելով, որ Թուրքիայի ու սիոնիստական ռեժիմի հետ համագործակցելով կարող է վերացնել Հայաստանի հետ մեր սահմանը և դեպի Եվրոպա մեր ճանապրհներից մեկը»,- ասել է Իրանի Իսլամական հանրապետության խորհրդարանի ազգային անվտանգության ու արտաքին քաղաքականության հանձնաժողովի անդամ Մոջթաբա Զոննուրը:
Զոննուրը շեշտել է, որ Իրանը բարիդրացիական է տրամադրված բոլոր այն երկրների նկատմամբ, որոնք «հետ չեն քաշում իրենց բարեկամության ձեռքը Իրանից»:
Նրա խոսքով՝ Իրանը զգուշացնում է «թե՛ Ադրբեջանին, թե՛ Թուրքիային, և թե՛առյուծի պոչի հետ խաղալ ցանկացող որևէ այլ երկրի, եթե ցանկանում են Իրանի շահերին սպառնալ, ապա, անշուշտ, ուժեղ ապտակ կստանան»:
«Այդ իսկ պատճառով Ադրբեջանի ու Թուրքիայի պաշտոնյաները թող խելքները գլուխները հավաքեն և վերադառնան մի ուղի, որն ապահովում է տարածաշրջանի երկրների շահերը»,- եզրափակել է իրանցի պաշտոնյան:
Հետևեք մեզ տելեգրամում
