Եգիպտոսի նախագահ Աբդել Ֆաթթահ Ալ-Սիսին հոկտեմբերի 25-ին չեղարկել է երկրում արտակարգ դրության երկարաձգումը, որը գործում էր դեռևս 2017թվականից:
«Ես ուրախ եմ, որ մենք միասին կիսում ենք այս պահը, որին հասել ենք մշտական պայքարի և աշխատասիրության շնորհիվ: Եգիպտոսը դարձել է անվտանգության և կայունության օազիս տարածաշրջանում: Այդ պատճառով էլ ես որոշել եմ դադարեցնել արտակագ դրության երկարաձգումը»,- ֆեսբուքյան էջում գրել է Եգիպտոսի նախագահը:
Նրա խոսքով՝ եգիպտացի ժողովուրդը այս որոշմանը հանգել է տարիների ընթացքում՝ «անկեղծորեն աջակցելով զարգացման և կառուցման բոլոր ջանքերին»:
Նշենք, որ արտակարգ դրությունը Եգիպտոսում սահմանվել էր 2017 թվականի ապրիլին, երբ ծայրահեղականները ահաբեկչական հարձակում իրականացրին Տանտա և Ալքեսանդրիա քաղաքների եկեղեցիներում: Այդ ժամանակ զոհվել էին 45 քաղաքացիներ, տուժել՝ ևս 120 մարդ: Ահաբեկչության պատասխանատվությունը ստանձնել էր Իսլամական պետություն ահաբեկչական կազմակերպությունը: Այս իրադարձություններից հետո Եգիպտոսում սահմանվել էր արտակարգ դրություն 3 ամիս ժամկետով, որը պարբերաբար երկարաձգվել է:
Հետևեք մեզ տելեգրամում
