Նոյեմբերի 1-ին Թուրքիան լրացուցիչ ուժեր է տեղափոխել Սիրիա: Այս մասին տեղեկացնում է սիրիական SANA լրատվական գործակալությունը:
Ինչպես գրում է SANA-ն, վկայակոչելով տեղական աղբյուրներին, հոկտեմբերի 31-ի երեկոյան Թուրքիան Սիրիայի Հասաքա նահանգի Ռաս Ալ-Այն քաղաք է տեղափոխել լրացուցիչ ռազմական ուժեր: Դրանց շարքում են բեռնատարներ, ՆԱՏՕ-ի արտադրության զրահափոխադրիչներ, մեծաքանակ զինամթերք, ծանր հրետանի:
Աղբյուրի հաղորդմամբ՝ վերջին տաս օրվա ընթացքում թուրքական ուժերը մեծ թվով վարձկաններ են տեղակայել Ռաս Ալ-Այն քաղաքի մոտակայքում, ինչպես նաև Թամիր և Աբու Ռասեն քաղաքների ծայրամասերում:
Հետևեք մեզ տելեգրամում
