Թուրքիան հայտարարել է Միջերկրական ծովում «Արևելյան Միջերկրական 2021» ռազմածովային զորավարժությունների մեկնարկի մասին, հայտնում է TRT Haber-ը։
Համաձայն աղբյուրի՝ զորավարժությունների հիմնական նպատակը Թուրքիայի ռազմածովային ուժերի մարտունակության, ինչպես նաև պարեկային ինքնաթիռների, ուղղաթիռների և անօդաչու թռչող սարքերի մոնիթորինգն է։
Թուրքական բանակի փոխգնդապետ Ջյունեյթ Թալայմանը ճեպազրույցի ժամանակ հայտարարել է, որ զորավարժություններին մասնակցում են նաև Ադրբեջանի ռազմածովային ուժերի զինծառայողները։ Ճեպազրույցին մասնակցել են ռազմածովային ուժերի գլխավոր հրամանատար, ծովակալ Էրջյումենթ Թաթլիօղլուն, զորավարժություններին մասնակցող երկրների դիտորդներ, նավերի հրամանատարներ և զինվորականներ։
Զորավարժություններին մասնակցում է 35 նավ և 5.000 անձնակազմ 10 երկրից։ Վարժանքներին ներկա են լինելու նաև դիտորդներ Բահրեյնից, Իրաքից, Հորդանանից, Լիբիայից, Նիգերիայից, Պակիստանից, Օմանից և Ուկրաինայից։
Հետևեք մեզ տելեգրամում
