Սիրիայում Թուրքիայի կողմից հնարավոր նոր ռազմական գործողության ֆոնին ռուս և թուրք զինվորականներն օպերատիվ հանդիպում են անցկացրել Սիրիայի հյուսիսում: Այդ մասին հայտնում է aawsat.com –ի ռազմական թղթակիցը:
Հանդիպումը տեղի է ունեցել Սիրիայի հյուսիսային Ալ Բաբ քաղաքի վարչական շրջաններից մեկում, որը ընկած է Հալեպից արևելք: Ի դեպ Ալ Բաբ քաղաքն այս պահին գտնվում է Թուրքիայի զինված ուժերի և թրքամետ խմբավորումների վերահսկողության տակ: Ռուս զինվորանները Ալ Բաբ են ժամանել ուղղաթիռով:
Թե, որն է եղել օպերատիվ հանդիպման բուն թեման լրատվամիջոցները չեն հայտնում: Ուշագրավ է, որ օրերս թուրքական մամուլով շրջանառվում էին լուրեր, որոնց համաձայն՝ Թուրքիայի ու Ռուսաստանի միջև կա համաձայնություն, առ այն, որ Իդլիբից թուրքական զորքերի դուրս գալու դիմաց, Մոսկվան թույլատրելու է Անկարային ռազմական գործողություն սկսել Սիրիայի քրդաբնակ Ղամիշլի շրջանում քուրդ զինյալների դեմ, որոնց թուրքական կողմը համարում է ահաբեկիչներ:
Սակայն վերոնշյալ պնդման վերաբերյալ որևէ պաշտոնական հայտարարություն չկա:
Աղբյուր. թուրք և ռուս զինվորականները օպերատիվ հանդիպում են անցկացրել Սիրիայի հյուսիսում
Հետևեք մեզ տելեգրամումՎերջին լուրեր
