Իրանի փոխարտգործնախարար Ալի Բաղերի Քանին հայտնել է, որ Իրանը և Մեծ Բրիտանիան սկզբունքային համաձայնություն են ձեռք բերել Թեհրանին վճարել 400 միլիոն ֆունտ ստեռլինգ (535 միլիոն դոլար) պարտք 1979 թվականին չմատակարարված տանկերի համար, գրում է Bloomberg-ը:
«Պարտքի մարման հիմնական հարցը և դրա մակարդակը համաձայնեցված են, սակայն վճարման եղանակի և գործընթացի հարցը դեռ լուծված չէ»,-Եվրոպա կատարած այցի ժամանակ ասել է իրանցի դիվանագետը։
Նշենք, որ ՄԱԿ-ի Արդարադատության միջազգային դատարանը 2012 թվականին Մեծ Բրիտանիային կոչ էր արել փոխհատուցում վճարել Իրանին 1974 թվականին Միջազգային ռազմական ծառայությունների (IMS) և Իրանի միջև պայմանագիրը Միացյալ Թագավորության կողմից խափանելու համար: Այս պայմանագրով ընկերությունը պարտավորվում էր Իրանին մատակարարել ավելի քան 1000 միավոր բրիտանական տանկ, սակայն 1979 թվականին Իրանում տեղի ունեցած հեղափոխության պատճառով Լոնդոնը հրաժարվեց կատարել պայմանագրի պայմանները։
Թեհրանը դեռևս չի կարող փոխհատուցումը ստանալ: Բրիտանական իշխանությունների պնդմամբ՝ նրանք չեն կարող մարել պարտքը, քանի դեռ Իրանի պաշտպանության նախարարությունը պատժամիջոցների տակ է։
Հետևեք մեզ տելեգրամում
