Մարդու իրավունքների սիրիական դիտարանը (SOHR) հաղորդում է, որ Սիրիայի նախագահի եղբոր՝ Մահեր Ալ-Ասադի գլխավորած չորրորդ դիվիզիան իր զինված ուժերը ամբողջությամբ դուրս է հանել Ռայ շրջանի ռազմական կայաններից և դիրքերից, ապա տեղակայել Դարա նահանգի արևմտյան արվարձանում: Դարայում տեղակայվելու պատճառների մասին ոչինչ չի հաղորդվում:
Նշենք, որ Al Arabiya-ի հաղորդմամբ՝ ընթացիկ տարվա հոկտեմբերին սիրիական վարչակարգի զինված ուժերը մտել են Դարայի 55 քաղաքներ, գյուղեր ու բնակավայրեր՝ ռուսական հովանավորմամբ վերաբնակեցման ծրագրերը իրագործելու համար: Ըստ այդ ծրագրի՝ վարչակարգի ուժերին և չորրորդ դիվիզիային թույլատրվում է Դարայի արևմտյան արվարձաններում՝ Թաֆազ քաղաքում և դրա մերձակայքում փնտրել տներ և բնակելի տարածքներ, բնակվել այդտեղ՝ պայմանով, որ չեն վնասելու տեղացիների ունեցվածքն ու նրանց իրավունքները: Վերաբնակեցման ծրագրի իրականացման համար Սիրիայի վարչակարգը բանտերից ազատ էր արձակել 58 կալանավորների:
Հետևեք մեզ տելեգրամում
