Նոյեմբերի 24-ին Իսրայելի ռազմաօդային ուժերը հրթիռակոծել են Սիրիայի Հոմս քաղաքը, գրում է սիրիական SANA-ն: Զոհվել են երկու խաղաղ բնակիչներ, տուժել՝ ևս 7 մարդ, այդ թվում մեկ քաղաքացիական անձ ստացել է լուրջ վնասվածքներ, վիրավորվել են 6 զինծառայողներ:
Ինչպես հաղորդում է SANA-ն, իսրայելական հրթիռների մեծ մասը խոցվել են սիրիական հակաօդային պաշտպանության համակարգերի միջոցով: Հրթիռակոծության հետևանքով պատճառվել է նաև նյութական վնաս:
Նշենք, որ իսրայելական «12» հեռուստաալիքը հաղորդել էր, որ նոյեմբերի 23-ի երեկոյան Սիրիան հրթիռ է արձակել Իսրայելի ուղղությամբ, որը պայթել է Հայֆա ծովափնյա քաղաքի մերձակայքում: Սակայն հրթիռը ընկել է ծովը, նյութական կամ մարդկային վնաս չի պատճառվել:
Կողմերից ոչ մեկը պատասխանատվություն չի ստանձնել հարձակումների համար:
Հետևեք մեզ տելեգրամում
