Մարդու իրավունքների սիրիական դիտարանը հաղորդում է, որ դեկտեմբերի 2-ին «Իսլամական պետություն» ահաբեկչական կազմակերպությունը հարձակում է իրականացրել Սիրիայի վարչակարգին աջակից «Ազգային պաշտպանության ուժեր» խմբավորման դիրքերի վրա՝ Դեր Զորի արևմտյան արվարձանում գտնվող Ալ-Մադհուլ ճանապարհին:
Ինչպես տեղեկացնում է SANA-ն՝ ԻՊ-ը թիրախավորել է Խարատայի նավթի հանքավայրի աշխատակիցների երկու ավտոբուսներ, որի հետևանքով սպանվել են 10 քաղաքացիներ, ևս երկուսը՝ ստացել մարմնական վնասվածքներ:
Դեր Զորի նահանգապետ Ֆադել Նաջարը, մեկնաբանելով ահաբեկչական հարձակումը, նշել է, որ նման գործողություններով ահաբեկիչները ցանկանում են խաթարել նահանգի բնականոն աշխատանքները:
Նշենք, որ Խարատայի նավթի հանքավայրը գտնվում է Դեր Զորից 20կմ հարավ-արևմուտք ընկած հատվածում: Այն անցել է Սիրիայի վարչակարգի ուժերի վերահսկողության տակ 2017 թվականի սեպտեմբերին:
Հետևեք մեզ տելեգրամում
