Արաբական Միացյալ էմիրությունները և Ֆրանսիան հայտարարել են, որ համաձայնության են եկել 80 միավոր բազմաֆունկցիոնալ Rafale կործանիչների և 12 միավոր Caracal ուղղաթիռների ձեռքբերման շուրջ, գրում է Al Arabiya-ն:
Ֆրանսիայի պաշտպանության նախարարության հաղորդմամբ՝ այս պայմանագիրըն այդ երկրի սպառազինությունների արտահանման ամենախոշոր գործարքն է՝ Rafale կործանիչների շահագործման պահից սկսած:
Նշվում է նաև, որ ԱՄԷ-ն Ֆրանսիայի ռազմարդյունաբերության հինգերորդ ամենակարևոր հաճախորդն է համարվել 2011-2020թթ ժամանակահատվածում ՝ 4.7 միլիարդ եվրոյին համարժեք սպանազինությունների գնման պատվերների ցուցանիշներով:
Պայմանագիրը ստորագրել են Ֆրանսիայի նախագահ Էմանուել Մակրոնն ու Աբու Դաբիի թագաժառանգ արքայազն Մուհամեդ բեն Զայիդ Ալ Նահայանը: Մակրոնը դեկտեմբերի 3-ին պաշտոնական այցով ժամանել էր Աբու Դաբի: Առաջիկա օրերին նախատեսվում է նաև այցեր Պարսից ծոցի այլ երկրներ՝ մասնավորապես Կատար և Սաուդյան Արաբիա: Նախատեսվող այցերի շրջանակներում քննարկվելու են տարածաշրջանային և միջազգային նշանակության կարևոր հիմնախնդիրներ:
Հետևեք մեզ տելեգրամում
