Դեկտեմբերի 24-ին ռուսական ռազմական ինքնաթիռները հրթիռակոծել են Ռաքքայի հյուսիսարևելյան հատվածում՝ Ռուսաֆայի անապատում գաղտնի տեղակայված «Իսլամական պետություն» ահաբեկչական կազմակերպության ռազմավարական դիրքերը: Այս մասին հաղորդում է Մարդու իրավունքների սիրիական դիտարանը:
Օրեր առաջ Ռուսաստանի ռազմաօդային ուժերը 13 ավիահարվածներ էին հասցրել Դեր Զոր նահանգի արևմտյան արվարձաններում և Ռաքքա նահանգի՝ Ռուսաֆայում տեղակայված ԻՊ-ի զինյալներին:
Նշենք, որ ԻՊ-ի գործող ցանցերը կրկին ակտիվացել են Սիրիայում՝ մասնավորապես Դեր Զոր նահանգում: Հաղորդվել էր, որ դեկտեմբերի 19-ին ԻՊ-ի անդամները հարձակվել էին ազգային պաշտպանության դիրքերի վրա՝ Դեր Զորի հարավ-արևմուտքում գտնվող Խարատա նավթային հանքավայրի շրջակայքում: Իսկ ավելի վաղ՝ դեկտեմբերի 12-ին, Դեր Զորում ԻՊ-ի գործող ցանցերը հարձակումներ էին իրականացրել պաղեստինյան «Ալ-Կուդս» բրիգադներին ենթակա խմբավորումների և Սիրիայի վարչակարգի զինված ուժերի մարտական դիրքերի վրա, որի հետևանքով սպանվել են 7 զինծառայողներ, վիրավորվել՝ ևս 17-ը:
Հետևեք մեզ տելեգրամում
