Դեկտեմբերի 26-ին Սաուդյան Արաբիայի գլխավորած կոալիցիան հայտարարել է, որ Իրանը և Հեզբոլլահը Եմենի հութի ապստամբներին աջակցել են հրթիռներ և անօդաչուներ արձակել թագավորության ուղղությամբ, որի հետևանքով կա երկու զոհ։
Կոալիցիայի խոսնակ Թուրքի Ալ-Մալիքին հայտարարել է, որ հութիները Սանայի օդանավակայանը «ռազմականացրել» են և այն օգտագործում են որպես «կենտրոն»՝ Սաուդյան Արաբիայի ուղղությամբ բալիստիկ հրթիռներ և անօդաչուների արձակելու համար։
Մալիքին պնդել է, որ Սանայի օդանավակայանում տեղակայված Հեզբոլլահի և Իրանի փորձագետների շտաբը հութիներին վարժեցնում են պայթուցիկներ պատրաստել և անօդաչու թռչող սարքեր օգտագործել։
Թեհրանը և Հեզբոլլահը ժխտել են հութիներին սպառազինությունների տրամարդելու և Եմեն զինյալներ տեղափոխելու մեղադրանքները։
Նշենք, որ դեկտեմբերի 25-ին հութիները ռազմական հարձակում էին իրականացրել Սաուդյան Արաբիայի Ջիզան նահանգի ուղղությամբ, որի հետևանքով սպանվել էին սաուդցի և եմենցի խաղաղ բնակիչներ, վիրավորվել ևս յոթ մարդ։
Հետևեք մեզ տելեգրամում
