Ադրբեջանում դադարեցվել է թուրքական պետական TRT-1 հեռուստաալիքի վերգետնյա հեռարձակումը: Այս մասին հունվարի 10-ին Trend-ին հայտնել են Ադրբեջանի «Ռադիոհեռուստատեսային հեռարձակման և արբանյակային հաղորդակցությունների» (Հեռուստառադիո) արտադրական ասոցիացիայից։
Ըստ ասոցիացիայի՝ ադրբեջանական հեռուստառադիոյի և Ադրբեջանում Թուրքիայի ռադիո-հեռուստատեսության կորպորացիայի տնօրինության ներկայացուցչության միջև TRT-1 հեռուստաալիքի հեռարձակման պայմանագրի ժամկետը լրացել է:
«Թուրքական կողմը չցանկացավ երկարաձգել պայմանագիրն, ինչի հետևանքով դադարեցվել է TRT-1-ի վերգետնյա հեռարձակումը»:
Նշվում է, որ այժմ թուրքական հեռուստաալիքը հնարավոր է միայն դիտել արբանյակային հեռարձակմամբ և համացանցով:
Հեռուստաալիքի վերգետնյա հեռարձակումը Ադրբեջանի տարածքում դադարեցվել է 2022թ.-ի հունվարի 5-ից ի վեր:
Հետևեք մեզ տելեգրամում
