Հունվարի 13-ի առավոտյան Բեյրութում ցուցարարները փակել են մի շարք ճանապարհներ:
Երեկ երեկոյան ցուցարարները հավաքվել էին մայրաքաղաքում, իսկ նրանցից մի քանիսը նստացույց են կազմակերպել Լիբանանի Կենտրոնական բանկի և Տրիպոլի քաղաքում գտնվող բանկի մասնաճյուղի դիմաց՝ պահանջելով «դատել կոռումպացված իշխող համակարգին»։
Ցուցարարների բողոքի պատճառը ֆինանսական և կենցաղային վատթարացող պայմաններն են՝ «վե՛րջ կոռուպցիայի, հանցագործության և աղքատացման համակարգին» կարգախոսի ներքո:
Այս բողոքի ակցիաները տեղի են ունենում լիբանանյան բանակի, անվտանգության ուժերի կողմից անվտանգության խիստ միջոցառումների ֆոնին:
Նշենք, որ Լիբանանն աննախադեպ ծանր տնտեսական ճգնաժամ է ապրում արդեն երկու տարի: Ճգնաժամը հանգեցրել է դոլարի նկատմամբ տեղական արժույթի արժեքի ռեկորդային անկման, քանի որ դոլարի փոխարժեքը լիբանանյան ֆունտի նկատմամբ հասել է 32 հազարի:
Հունիսի սկզբին Համաշխարհային բանկը Լիբանանի ճգնաժամը բնութագրել է որպես «աշխարհում ամենածանր ու դաժան ճգնաժամը» և այն դասել 19-րդ դարի կեսերից սկսած պատմության մեջ գրանցված երեք ամենադժվար ճգնաժամերի շարքին:
Հետևեք մեզ տելեգրամում
