Հունվարի 15-ին «Հեզբոլլահ» և «Ամալ շարժում» շիայական կուսակցությունները հայտարարել են, որ դադարեցնում են կառավարության նիստերի բոյկոտը և վերադառնում են աշխատանքներին` «հաշվի առնելով քաղաքացիների կարիքները» և «լիբանանցիների կենսապայմանները»:
Երկու կուսակցությունները նաև նշել են, որ «քաղաքական և տնտեսական ներքին ճգնաժամը հասել է աննախադեպ մակարդակի՝ լիբանանյան լիրայի փոխարժեքի ռեկորդային անկմամբ, պետական հատվածի վատթարացմամբ և աշխատավարձերի ու քաղաքացիների գնողունակության անկմամբ»:
Նշենք, որ հոկտեմբերի 14-ից ի վեր կառավարության նիստ չի գումարվել: Պատճառը շիայական կուսակցությունների պահանջն էր հեռացնել Բեյրութի նավահանգստի պայթյունը հետաքննող դատավոր Թարեք Բիթարին, որին մեղադրում էին հետաքննությունը քաղաքականացնելու մեջ:
«Ամալ շարժումը» և «Հեզբոլլահը» շեշտել են, որ իրենք շարունակելու են աշխատել դատական գործընթացի շտկման ուղղությամբ:
Հետևեք մեզ տելեգրամում
